هل مستقبل ابني يبدأ من سن 6 أشهر؟

هل مستقبل ابني يبدأ من سن 6 أشهر؟
عبارة غريبه جدا ان ابدأ بها
ولكني اريده اعظم انسان في الكون كله انه يحمل اسم ابي منير
لولا ابي منير رحمه الله رحمه واسعه واسكنه فسيح جناته لما استطعت العيش اليوم - وبالذات في الايام السودا دي- نرجع لمنير الابن انا عايزة يبقي دكتور كبير وفي تخصص مخ واعصاب
تخيل اتمني لطفل عمرة 6 شهور و23 يوم ان يصبح طبيب مخ واعصاب بعد حوالي 26 سنه تقريبا
مازل للموضوع بقيه

اولادي يربوني

نعم العنوان صادم
ولكنها الحقيقه
لدي طفله تدعي ساندي تبلغ من العمر 8 سنوات روحها مرحه جدا وشقيه للغايه لا تهدأ ابدا لدي ولد وبنت اخواتها ولكن ساندي تعتبر منفردة تماما تستحوذ علي قلبي بنسبه كبيرة تشعرني بانني حبيبها وصديقها تملأ البيت دوشة
عندما تحدث اي كارثه بالبيت بدون سؤال والدتها اعرف علطول انها ساندي فهي السبب في سقوط المطبخ والحمد لله موقعش عليها
ساندي تتصرف بتلقائيه غير عاديه
عندما تخطئ ساندي لا استطيع عقابها لانها تأتي وتعتذر بسهوكة وبالتالي تهرب من العقاب بعكس علا تماما
علا دي بنتي الكبيرة تخيلوا بنتي بتتكسف مني ايوة علا بتتكسف مني وكمان بتخاف تكلمني اساسا
لذلك انا افضل ساندي لانها لا تشعرني اني ابوها فقط بل وصديقها ايضا وهو شعور رائع
حقا ساندي تستحق لقب فاكهه البيت

هل مصر حقا للمصريين؟؟؟؟

سؤال يمكن البعض يفهمه غلط
انا ااقصد الناس العاديين جدا اللي زي وزيك احنا بنعيش في حاله ارتفاع اسعار جنوني وعلي الرغم من كدا في حاجة اسمها بورتو السخنه ومارينا المشهور جدا طبعا يا تري البلد دي خيرها بيروح فين؟؟؟؟؟؟؟
هل اتساع الفجوة بين الاغنياء والفقراء اصبح بحجم الاتساع بين الارض والشمس ليه؟؟؟؟؟
اين الطبقه المتوسطة اين اختفت؟؟؟؟
اننا نعيش في بلد ديموقراطي قول اللي انت عايزة لكن اياك والريس
يا سلام علي الديموقراطيه طيب ولما الريس يشوف الفساد ويسكت يبقي ده ريس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مثال بسيط جدا
احمد عز رئيس لجنه الصناعه بمجلس الشعب ومحتكر لصناعه الحديد والصلب في مصر اللي كان اسسها جمال عبد الناصر الله يرحمه عشان ياتي مبارك ويبيعها وفي الاخر احنا مش لاقيين فلوس البيع دي عارفين ليه؟ لانها راحت سمسرة وعمولات لصفقات مشبوهه
نرجع لموضوعنا لما واحد زي احمد عز ده الكل يسكت عليه مش المفروض الكبير بتاعنا يتدخل ( رئيس الجمهوريه ) يا تري متدخلش ليه؟؟؟؟؟؟؟؟؟؟؟؟ والحدق يفهم
ممكن تروح جاردن سيتي وتحديدا ش معمل السكر ادام السفارة السعودية وحاول تدخل السفارة لقضاء اي شئ من تأشيرة عمل او التحاق بعائل الي اخره
ماذا ستجد؟؟؟؟؟؟؟؟؟؟
يوجد باب مخصص للمصريين فقط وكأنهم يعتبرونا جنس محمل بالامراض ولا يجب ان يتم الخلط بيننا وبين اي جنسية اخري
تقف عند باب السفارة فتجد مهازل معامله اسوة من معامله الكلاب
تفتكروا لان السعوديين وحشيين؟؟؟؟؟؟؟؟؟؟؟
طبعا لا
في مثل شعبي مصري بيقول اللي يقول لمراته يا عورة الناس تلعب بيها الكورة
يعني الخليجي يجي مصر علي رأسنا من فوق وياخد التأشيرة بتاعت الدخول من المطار لكن لو انت مصري وعايز تروح نفس البلد حيطلبوا منك تحليل فيروس كبدي وبائي وكأن المصريين جرب يجب فحصهم قبل دخولهم الجنه قصدي دخولهم تلك البلاد
انا لا اعيب علي تلك البلاد ولكن اي تطبيق المعامله بالمثل؟؟؟؟؟؟؟؟؟؟
يا ريس كرامتنا راحت بسببك يا ريت تعمل حاجة كويسه قبل اخرتك ولا حتسيب جمال بيه يكمل المسيرة لحد ما نلاقي المصريين كلهم سيبيين البلد ؟؟؟؟؟؟؟؟ظ
مصر دي بلدي وانا مش حسيبها حتي لو حموت من الجوع لان العيب مش في مصر العيب في قيادة مصر لو اتغيرت القيادة دي اكيد حاجات كتيرة حتتغير